ბავშვის გაჩენა შეიძლება იყოს ერთ-ერთი ყველაზე საინტერესო და განსაკუთრებული პერიოდი ქალის ცხოვრებაში. თუმცა, ის ასევე შეიძლება იყოს ძალიან დამღლელი, როგორც ფიზიკურად, ასევე ემოციურად

ორსულობის დროს თქვენ ალბათ ყურადღებას აქცევდით კვებას. თუმცა, ახალშობილზე ზრუნვასთან ერთად არ უნდა დაგვავიწყდეს საკუთარ თავზე ზრუნვა.

მიეცით თქვენს სხეულს ის, რაც მას სჭირდება

ჭამა ენერგიისთვის ძალიან მნიშვნელოვანია, ენერგია კი დაგჭირდებათ ბავშვის გაჩენიდან კვირების და თვეების განმავლობაში. ნაცვლად ყავის ან ტკბილი ხემსებისა, რომლებიც სწრაფი ენერგიის წყაროა მიირთვით ხილი, კენკრა და რთული ნახშირწყლები, როგორიცაა მაგალითად ყავისფერი ბრინჯი, სტაბილური ენერგიისთვის. კვერცხი, ოსპი, წითელი ლობიო და თხილი არის ცილის შესანიშნავი წყარო, რომელიც ამაღლებს თქვენი ენერგიის  დონეს და სხეულს ჯანმრთელობას.

ძუძუთი კვების დროს მნიშვნელოვანია დარწმუნდეთ, რომ საკმარის კალციუმს იღებთ. ბრიტანეთის დიეტოლოგთა ასოციაციის თანახმად, ძუძუთი კვების დროს ქალებმა უნდა მიიღონ 1250 მგ კალციუმი დღეში. 240 მგ კალციუმი არის 200 მლ ჭიქა ძროხის რძეში.  ფორთოხალი შესანიშნავი არჩევანია წასახემსებლად. კვლევებმა აჩვენა, რომ C ვიტამინს შეუძლია გააუმჯობესოს თქვენი რძე და სარგებელი მოუტანოს თქვენს პატარას.

ორსულობის შემდგომი საკვები რაცოინი მდიდარი უნდა იყოს ბოსტნეულით: ისპანახი, კალე, ბროკოლი, სალათის ფოთოლი, რომელიც საკმაოიდ მდიდარია ვიტამინებით და რკინით. მნიშვნელოვანია თქვენი რკინის დონის შენარჩუნება მშობიარობიდან რამდენიმე დღისა და კვირის შემდეგ, რადგან ეს დაგეხმარებათ სტაბილური ენერგიის შენარჩუნებაში. რკინა ასევე ეხმარება მშობიარობის დროს დაკარგული სისხლის შევსებაში.

შეეცადეთ წონის კლება არ აქციოთ თქვენ მთავარ მიზნად, რადგან  დიეტებს თან ახლავს ენერგიის ვარდნა ან უხასიათობა. ჯანსაღი დიეტით და მუდმივად აქტიურად ყოფნით ბუნებრივად დაიკლებთ მშობიარობიდან რამდენიმე თვის განმავლობაში. თუ ბუნებრივ კვებაზე გყავთ პატარა, შეიძლება წონაში დაიკლოთ ყოველგვარი მცდელობის გარეშეც.

როგორ გავხადოთ კვება მარტივი

საჭმლის მზადების შემდეგ, მორჩენილი საკვები შეგიძლიათ გაყინოთ და ისე შეინახოთ, შემდეგ კი მიკროტალღურ ღუმელში გაალღოთ. ასე თავიდან აიცილებთ ზედმეტ შრომას.

თუ თქვენ ვერ ახერხებთ სუპერმარკეტებში სიარულს, მაშინ შეიძინეთ სასურსათო პროდუქტები ინტერნეტით თქვენი სახლიდან.

სთხოვეთ თქვენს პარტნიორს, მეგობარს ან ოჯახის წევრს დახმარება ჯანსაღი ხემსების მომზადებაში, როგორიცაა სტაფილოს ჩხირები და თხილის მიქსი, რომელთა შენახვა შეგიძლიათ თქვენს სამზარეულოში და სახლიდან გასვლის დროს თან წაღება.

რჩევა მხოლოდ ინფორმაციისთვისაა და არ უნდა შეცვალოს სამედიცინო დახმარება. გთხოვთ, მიმართოთ ექიმს ან პროფესიონალს, სანამ რაიმე საშუალებებს მიმართავთ.